Tresportes alvierte que la obra pa quitar l'argayu n'El Güerna "va pa llargo"

La circulación na AP-66 reanudaráse con una carril per sen mediante un bypass

La circulación pela autopista AP-66, ente Asturies y la Meseta, cortada dende esti domingu por un argayu escomanáu, reanudaráse per una de les dos calzaes con una carril per sen, mediante un bypass.

Según avanzó esti llunes el Ministeriu de Tresportes, pa garantizar la seguridá van colocase provisionalmente unes pantalles de protección dinámiques que torguen que nuevos posibles argayos puean llegar al bypass que se va a construyir.

Los operarios d’Aucalsa, empresa concesionaria de l’AP-66 ente Asturies y Lleón, yá abrieron un primer pasu pal movimientu de maquinaria que dexe avanzar nos trabayos de desescombru.

L’argayu de la lladera, qu’afectó a les cuatrocarriles de la carretera ensin qu’hubiere mancaos, foi nel puntu kilométricu 76, a catorce kilómetros de La Pola (L.lena), y obliga a esviar el tráficu de l’AP-66 pela N-630.